Hou tae forder human skeels

Afore the simmer, I writ in ma afore gane airticle anent hou there is specific skeels that us humans haes that ither species disnae. But hou can we forder thir capacities? Mony human skeels appear tae hae developit in the situation in prehistoric East Africae whaur, acqueesh 135,000-90,000 year syne, there wis several drochts. Thir drochts wis brithert wi a chynge in material cultur. Archaeologists thinks this suggests some o the maist important intellectual skeels developit by wir species, like spikkin an abstract thocht, kythed at this time.

This mebbes appluised a richt muckle cousie for humanity. It turnt oot the early humans wis gittin a inlat for intellectual capacities tae develop.

Haud on readin

It’s no you, it’s me: or, sorry Gaelic, but Scots still haes issues tae wirk throu

Syne we’r aw on the subject nou o whit mis-uisses o the leid a Scots spikker is or isnae alloued tae feel affrontit bi — whither it’s sneistie Disney-Pixar memes or the Diet Scots on American telly programmes — can ah lat ye in on wan o ma ain wee wirry-carles? Ye’ll hiv heard it yersel, nae dout; yon thocht-terminatin cliché that signifies maximum woke wi minimum ettlin, thirls sympathy for the cause wi sweirtness tae hear anither wird aboot it, an it gangs like this:

“Oh, one of my friends is a Gaelic speaker, and he…”

Weel… ay. Yin o the tapmaist kenmerks o oor mansplainy times is that there’s naither need nor prerogative tae haud tae the maiter at haund, especially gin ye ken naething aboot it an hiv nae interest in learnin. We mebbes dinnae aw ken awfu muckle aboot the Scots leid, but we’v aw got a freend or twa that spiks Gaelic, or is ettlin tae — an sae maist o us hiv got a hale wheen o richt-on opinions on the subject. Hou important the leid is, hou necessar that we aw fecht tae preserve it an pass it ontae oor bairnfowk. Mun, juist staundin here sayin aw this maks ye feel like Martin Luther King oot on the steps o the Capitol…

Haud on readin

Anent the Phenomenon o Bulls**t Jobs: A Wark Threap

I the year 1930, John Maynard Keynes predictit that, by the century’s end, technology wad be advanced eneuch that kintras like Britain or the Unitit States wad hae achieved a fifteen-oor wark week. The’r ivery raison tae trew he wis richt. In terms o technology, we ar brawly capable o this. But it didna happen. Insteid, technology haes been marshalt, gin onything, tae airt oot weys o makkin us aa …

Haud on readin

Fit tae dae aboot obesity?

Nae ower lang syne, there wis an outcry on social media. Cancer Research UK haed juist released new advertisin, fit wis intendit tae mak a verra clear pynt. The image clearly read: “Obesity is a cause of cancer.” Ae quine wisna too impressed wi this idea, an cried on Twitter that it wis ‘fat-shamin’ an that the chairity should tak it doun. Than, aa o a sudden, a haundfu o …

Haud on readin

Richt o sel-law as fundamental richt for democracy: The case o hauf-free decisions anent Catalonie

A feck o democratic Catalan politicians haes political captions agin them. The Spainish government is forfendin yet again the process o the Catalan pairlament. In October, it wis acause o the wanthirldom referendum. An nou it’s the jylin o politicians for political causes. They ar socht for ‘rebellion’ an ‘embezzlement’. The definition o ‘rebeliòn’ in the Spainish constitution actually haes specifically adae wi bangstrie, something that Puidgemont, Ponsati or ither …

Haud on readin