Anent

Ay, ay,

Mak Forrit is a wabsite and blog aboot cultur, history, leids, politics, the airts and mair, written in Scots.

Alang wi English and Gàidhlig, Scots is ane o Scotland’s three hamelt leids. The 2011 offícial census shawed that it’s spoken by aboot 1.5 million fowk, frae Shetland doun tae the Borders.

Maist fowk will like eneuch ken Scots frae the poyetry o Scotland’s national bard Robert Burns. Scots haes a wheen o bonnie by-leids, sic as the Doric and Shaetlan, and a fouthie vocabular suitit tae ony spoken or scrievit ettle.

Aiblins Robert Louis Stevenson pit it best whan he writ: “Of a’ the lingo’s ever prentit, The braidest Scot’s the best inventit.” I canna argue wi that!

This blog ettles tae heeze up the Scots leid and gie Scots scrievers ae mair ootlat on the wab tae mak their vyces heard.

Howp ye enjoy.

Yours aye,

Jamie Smith
Foonder and editor